នាព្រឹកថ្ងៃទី១៨ ខែតុលា ឆ្នាំ២០២៣ វេលាម៉ោង ០៩:៤៥នាទី នៅសាលប្រជុំពិសេសជាន់ក្រោម វិមានព្រឹទ្ធសភា លោកជំទាវ រត្ន ឆវីលក្ខណ៍ ប្រធានគណៈកម្មការត្រួតពិនិត្យ និងជាអគ្គាធិការ នៃអគ្គលេខាធិការដ្ឋានព្រឹទ្ធសភា បានប្រជុំពិភាក្សាការងារជាមួយអង្គភាពគ្រប់គ្រងបេឡាសោធននិវត្តន៍ និងសោធនបាត់បង់សប្បទាវិជ្ជាជីវៈ នៃអគ្គលេខាធិការដ្ឋានព្រឹទ្ធសភា ដឹកនាំដោយលោកជំទាវ សួន ពុធថាវី អគ្គនាយិកា នៃអគ្គនាយកដ្ឋានស្រាវជាវ និងជាប្រធានអង្គភាពគ្រប់គ្រងបេឡាសោធននិវត្តន៍ និងសោធនបាត់បង់សប្បទាវិជ្ជាជីវៈ នៃអគ្គលេខាធិការដ្ឋានព្រឹទ្ធសភា ដោយមានរបៀបវារៈដូចខាងក្រោម៖
១.ពិនិត្យ ពិភាក្សាលើរបាយការណ៍ស្តីពី ប្រតិបត្តិការគ្រប់គ្រងចំណូល-ចំណាយចរន្តសាច់ប្រាក់ ប្រចាំនព្វមាស(៩ខែ) ឆ្នាំ២០២៣ របស់អង្គភាពគ្រប់គ្រងបេឡាសោធននិវត្តន៍ និងសោធនបាត់បង់សប្បទាវិជ្ជាជីវៈ នៃអគ្គលេខាធិការដ្ឋានព្រឹទ្ធសភា។
២.ពិនិត្យ និងពិភាក្សាករណីមន្ត្រីផ្ទេរចេញ ចូលក្នុងក្របខ័ណ្ឌ នៃអគ្គលេខាធិការដ្ឋានព្រឹទ្ធសភា។
៣.ពិនិត្យ និងពិភាក្សាករណីមន្រ្តីដែលបានដាក់នៅក្រៅក្របខ័ណ្ឌដើម នៃអគ្គលេខាធិការដ្ឋានព្រឹទ្ធសភា៕

ប្រភព៖ នាយកដ្ឋានព័ត៌មាន